Tramp rəqibi Baydenin prezidentlik yarışından geri çəkiləcəyini iddia edib
Noyabrda ABŞ-da keçiriləcək prezident seçkilərində namizəd olan Donald Tramp canlı yayımda debatda çıxışını tənqid etdiyi rəqibi prezident Co Baydenin yarışdan çəkiləcəyini iddia edib.
Sosial mediada Trampın Baydenin seçkilərdən geri çəkilməsi və onu müavini Kamala Harrisin əvəzləməsi ehtimalını müzakirə edən videosu yayılıb.
Canlı yayım debatında Baydenin zəif performansını tənqid edən Tramp əla iş gördüyünü bildirib və rəqibi Baydeni "qoca və bədbəxt" adlandırıb.
Tramp Baydenin seçkidən çəkiləcəyini iddia edərək, “Yarışdan gedir. Bu, Kamalanın qaldığı anlamına gəlir” deyib.
Donald Tramp vitse-prezident Harrisin daha yaxşı namizəd olacağını iddia etsə də, onu “zavallı” adlandırıb.
ABŞ prezidenti Bayden Trampla canlı yayımda etdiyi debatda ikinci dövr namizədliyində yaşı ilə bağlı narahatlıqları aradan qaldırmaq üçün kifayət qədər performans göstərə bilməyib və proqramdan sonra sıx tənqidlərə məruz qalıb.
