Əsabəli Mustafayevin vəziyyəti açıqlandı
Səhhətində problem yaranan və xəstəxanaya yerləşdirilən Azərbaycan Vəkillər Kollegiyasının üzvü Əsabəli Mustafayevin vəziyyəti açıqlanıb.
Sumqayıt Tibb Mərkəzindən verilən məlumatda bildirilir ki, Ə.Mustafayev avqustun 17-si saat 17:30-da Sumqayıt Tibb Mərkəzinin 2 nömrəli Xəstəxanasına hospitalizasiya olunub. Törədicisi dəqiləşdirilməmiş pnevmoniya diaqnozu qoyulan Ə.Mustafayev ağır vəziyyətdə Anesteziologiya, reanimasiya və intensiv terapiya şöbəsinə yerləşdirilib.
Pasiyentə bütün zəruri tibbi xidmətlər göstərilib və vəziyyəti stabilləşdikdən sonra ötən gün Terapiya şöbəsinə köçürülüb. Müalicə tədbirləri davam etdirilir.
Qeyd edək ki, Ə.Mustafayev bir müddət əvvəl infarkt keçirib.
