ABŞ Konqresində Trampı prezident kimi qorumağa çağırdılar
ABŞ Konqresindəki Respublikaçılar Məxfi Xidməti ABŞ prezidentliyinə namizəd Donald Trampı ABŞ-ın hazırkı lideri Co Bayden kimi təhlükəsizlik və müdafiə ilə təmin etməyə çağırıb.
AFN.az-ın xəbərinə görə, bu barədə "Fox News" xəbər verir.
Respublikaçı konqresmenlərin müvafiq məktubunun mətnində deyilir: “Biz Birləşmiş Ştatların Məxfi Xidmətindən cənab Trampı hazırkı prezident Baydenə verilən mühafizə səviyyəsi ilə təmin etməsini tələb edirik”.
Qanunvericilər həmçinin Məxfi Xidmətdən Trampa qarşı sui-qəsd cəhdləri və agentliyin siyasətçini gələcək potensial təhlükələrdən effektiv şəkildə necə qorumağı planlaşdırdığı barədə Konqres üzvlərinə xüsusi brifinq təqdim etməyi xahiş ediblər.
