Zelenski NATO-nun "Oreşnik"i vura biləcəyini açıqlayıb
Ukrayna prezidenti Vladimir Zelenski NATO-nun baş katibi Mark Rutte ilə telefon danışığı apardığını bildirib.
Söhbətin təfərrüatlarını siyasətçi öz Telegram kanalında açıqlayıb.
“Biz Markla mövcud cavab imkanlarını - Ukraynanın hava hücumundan müdafiəsinin zəruri gücləndirilməsini müzakirə etdik. Mən lazım olan və "Oreşnik" raketlərinə qarşı işləyə bilən xüsusi hava hücumundan müdafiə sistemlərinin adını çəkdim”, - deyə Zelenski bildirib. O, qeyd edib ki, tərəfdaşları Kiyevin ehtiyac duyduğu hava hücumundan müdafiə sistemlərinə malikdir.
Daha əvvəl məlum olmuşdu ki, Kiyev "Oreşnik"lərin Dnepropetrovskdakı müəssisəyə hücumundan sonra Qərbdən yeni hava hücumundan müdafiə sistemləri istəyib. Zelenskinin sözlərinə görə, Qərb texnologiyası “yeni risklərdən qoruya” bilər.
