Səhiyyə naziri TƏBİB-lə bağlı sualı cavablandırmadı
Səhiyyə naziri Teymur Musayev bu gün jurnalistlərə verdiyi açıqlamada hazırda Səhiyyə Nazirliyində islahat prosesinin getdiyini bildirib.
Media nümayəndələrinin TƏBİB-in Səhiyyə Nazirliyinin tərkibinə qatılma ehtimalı barədə sualını nazir cavabsız qoyaraq, bu xüsusda açıqlama vermək səlahiyyətinin TƏBİB-in Müşahidə Şurasına məxsus olduğunu vurğulayıb.
Eyni zamanda, T.Musayev qanuni əsaslarla fəaliyyət göstərən plastik cərrahların statusuna da aydınlıq gətirib. O qeyd edib ki, hazırda müvafiq icazəyə sahib olan mütəxəssislərin sayı 45 nəfər təşkil edir. Nazirin sözlərinə görə, bu istiqamətdə nizam-intizam təmin olunub və rəsmi icazəli cərrahların sayının illər keçdikcə artacağı gözlənilir.
