ABŞ-nin bir sıra ştatında aralıq seçkiləri üçün erkən səsvermə başlayıb
ABŞ-nin Texas, Cənubi Karolina, Arkanzas və Alyaska başda olmaqla bəzi ştatlarında noyabrın 3-də keçiriləcək Konqres aralıq seçkiləri ərəfəsində erkən səsvermə başlayıb.
AFN.az xəbər verir ki, seçkilərdə Nümayəndələr Palatasının 435 yerinin hamısı və 100 yerlik Senatın 33 yeri uğrunda mübarizə aparılacaq.
ABŞ mətbuatında yayılan məlumatlara görə, Texas, Cənubi Karolina, Arkanzas, Alyaska və Konnektikut ştatlarında erkən səsvermə prosesi başlayıb.
Texasda seçicilər oktyabrın 30-dək erkən səs verə biləcəklər.
Cənubi Karolinada isə erkən səsvermə oktyabrın 31-də başa çatacaq. Bu ştatda ABŞ-də vəfat etmiş respublikaçı senator Lindsi Qrehemin yerinə təyin edilmiş bacısı Darlayn Qrehem Nordon ilə demokrat rəqibi Enni Endryus arasındakı yarış diqqət çəkir.
Arkanzasda erkən səsvermə noyabrın 2-dək davam edəcək. Burada respublikaçı senator Tom Koton Senatdakı yer uğrunda demokrat rəqibi Halli Şoffnerlə mübarizə aparacaq.
Ştatın respublikaçı qubernatoru Sara Hakabi Sanders də qubernatorluq uğrunda Demokratlar Partiyasından Fredrik Lav və Libertarian Partiyasından Kolt Şelbi ilə rəqabət aparır.
Alyaskada şəxsən və ya qiyabi səsvermə noyabrın 3-dək davam edəcək. Konnektikutda isə seçicilər noyabrın 1-dək səs verə biləcəklər.
