KİV: G7 ölkələri yanvarın 1-dən Rusiyadan gələn brilyantlara qadağa tətbiq edəcək
Yeddilik Qrupu (G7) ölkələri 2024-cü il yanvarın 1-dən Rusiyadan almazlara qadağa tətbiq edəcək.
Bu barədə “Reuters” sammitin bəyanatına istinadən məlumat yayıb.
Yazda üçüncü ölkələrdən Rusiya almazlarının idxalına mərhələli qadağanın tətbiqi planlaşdırılır. Sentyabrın 1-dək isə kobud almazlar üçün “etibarlı yoxlama və sertifikatlaşdırma mexanizmi” yaratmağı planlaşdırırlar.
Qrupun sammiti ilə bağlı bəyanatı artıq Yaponiya Xarici İşlər Nazirliyinin saytında dərc olunub.
Sənəddə deyilir: “Biz Rusiyada hasil edilən, emal edilən və ya istehsal olunan qeyri-sənaye almazlarına idxal məhdudiyyətləri tətbiq edəcəyik”.
