Aİ üzvü TikTok-u azyaşlılar arasında təhlükəli fenomeni təbliğ etməkdə ittiham edib
Avropa Parlamentinin (AP) danimarkalı üzvü Kristel Şaldemose TikTok sosial şəbəkəsini yetkinlik yaşına çatmayanlar arasında özünə zərər verən məzmun yaymaqda ittiham edib.
Onun Avropa Komissiyasına (AK) müraciətinin mətnində bildirilir ki, deputatı bu təhlükəli fenomenin təşviqi təcrübəsinin Aİ-nin Rəqəmsal Xidmətlər Qanununa uyğunluğu barədə şübhəlidir. “Danimarkanın Rəqəmsal Məsuliyyət Şurası TikTok və platformadakı məzmunu təhlil edib. Araşdırma nəticəsində məlum olub ki, gənc istifadəçiləri hədəf alan məzmunlar, özünə zərər verməyi nümayiş etdirən və təşviq edən platformalar Aİ Rəqəmsal Xidmətlər Aktı çərçivəsində qeyri-qanuni hesab edilə bilər” - deyə deputat, AK-yə təqdim etdiyi təqdimatda bildirib.
Bununla əlaqədar olaraq, Avropa Parlamentinin deputatı AK-yə bu təcrübənin Avropa qanunvericiliyinə uyğunluğunu qiymətləndirməsi ilə bağlı müraciət edib: "Avropa Komissiyası TikTok-un Rəqəmsal Xidmətlər Aktı ilə uyğunlaşdığını düşünürmü? Əgər belədirsə, Komissiya yuxarıda təsvir edilən kimi məzmunun onlayn platformalarda tapılmaması üçün hansı addımları atmaq niyyətindədir?"
