"Neftçi" cərimələnib: protokol qaydalarını pozduğuna görə
AFFA İntizam Komitəsi "Neftçi"ni cərimələyib.
AFN-in xəbərinə görə, buna "ağ-qaralar"ın "Qəbələ"yə qarşı Azərbaycan Premyer Liqasının ilk turunda protokol qaydalarını pozması səbəb olub.
Paytaxt təmsilçisinin 80 nömrəli futbolçusu İsmayıl Zülfüqarlı sifariş vərəqəsində qeyd olunduğundan fərqli nömrəli formada meydana çıxdığı üçün klub 800 manat məbləğində cərimə olunub.
Qeyd edək ki, "Bakcell Arena"dakı görüş 2:2 hesabı ilə başa çatıb.
