BMT İsraili Fələstində beynəlxalq hüququ pozmaqda ittiham edib
İsrail Fələstində müharibə cinayətləri törədib, o cümlədən işğal olunmuş ərazilərdə qorunan əhaliyə qarşı qanunlar qəbul edib.
AFN.az xəbər verir ki, bu barədə Birləşmiş Millətlər Təşkilatının işğal olunmuş Fələstin ərazisi üzrə Müstəqil Beynəlxalq Araşdırma Komissiyasının OHCHR saytında dərc etdiyi hesabatında bildirilir. "Komissiya hesab edir ki, İsrailə giriş haqqında qanuna 2018-ci ildə edilən düzəliş əsasında Şərqi Qüdsdə yaşamaq icazələrinin ləğvi "andın pozulmasını" nəzərdə tutur, çünki bu, işğal olunmuş ərazilərdə qorunan əhaliyə qarşı tətbiq edilir. Bu, hərbi cinayətdir, - deyə sənəddə bildirilir.
BMT həmçinin hesab edir ki, Salah Hammurinin Şərqi Qüdsdən Fransaya məcburi deportasiyası "beynəlxalq humanitar hüququn ciddi şəkildə pozulması, yəni qorunan şəxsin işğal olunmuş ərazilərdən deportasiyası"dır. Hesabatda qeyd edilir ki, qeyri-qanuni deportasiya hərbi cinayətdir.
BMT komissiyası hesabatı hazırlamaq üçün 2022-ci ilin noyabrında və 2023-cü ilin martında Cenevrədə keçirilən açıq və qapalı dinləmələr də daxil olmaqla, qurbanlar və şahidlər, ekspertlər və digər şəxslərlə 127-dən çox müsahibə aparıb.
