Efiopiyada təxminən 225 nəfər aclıqdan ölüb
Efiopiyanın quraqlıqdan və müharibədən əziyyət çəkən Tiqray bölgəsindəki Edaqa Arbi şəhərində iyul ayından bəri 200-dən çox adam aclıqdan ölüb.
Tiqrayın səlahiyyətliləri bölgənin sonuncu dəfə 1984-cü ildə görülən miqyasda aclıq astanasında olduğu barədə xəbərdarlıq edib.
Əddis-Əbəbədəki mərkəzi hökumət yaxınlaşan aclığı inkar edir və yardım göstərmək üçün çalışdığını bildirir.
Lakin tibb işçiləri və humanitar işçilər yardımın kifayət qədər tez gəlmədiyini və insanların həyatını xilas etməkdə aciz olduqlarını deyirlər.
Ölənlərin əksəriyyəti uşaq və gənclərdir.
Ümumdünya Ərzaq Proqramı və USAid tərəfindən ərzaq yardımının talan edilməsi ilə bağlı iddialar keçən yaz ortaya çıxdıqdan sonra Efiopiyaya yardım dekabrda daha ehtiyatla bərpa olunana qədər aylarla dayandırılıb. Həmin vaxt Tiqrayda 1500-ə yaxın insanın aclıqdan öldüyü bildirilirib.
BMT-nin məlumatına görə, hazırda Efiopiyada təxminən 20 milyon insan münaqişə, quraqlıq və daşqınlar səbəbindən ərzaq yardımına ehtiyac duyur.
Erkən Aclıq Xəbərdarlıq Sistemləri Şəbəkəsi 2024-cü ilin ortalarına qədər ərzaq böhranının bütün ölkəni fövqəladə vəziyyətə salacağını proqnozlaşdırır.
Hazırda ərzaq böhranı çətin vəziyyətə düşən şimal bölgəsi Amhara, Cənubi Efiopiyanın bəzi hissələri və Tiqrayı əhatə edir.
