İran Prezidenti: Qüvvələrimiz İsrailə dərs verdi
İran prezidenti Seyid İbrahim Rəisi İranın İsrail ərazisinə endirdiyi zərbələrlə bağlı bəyanat verib.
“Mehr” xəbər verir ki, Rəisi açıqlamasında "Sepahın çalışqan qüvvələri sionist düşmənə dərs verib" - deyə bildirib.
“İran xalqının maraqlarına qarşı yönəlmiş istənilən yeni avantüranın daha sərt və daha təəssüf doğuran cavabı ilə qarşılaşacağını vurğulayıram”, - Prezident Rəisi bəyanatda qeyd edib.
Aprelin 14-nə keçən gecə İsrailin aprelin əvvəlində İranın Dəməşqdəki konsulluğuna endirdiyi və 7 iranlı SEPAH hərbi müşavirinin ölümünə səbəb olan hava hücumuna cavab olaraq İran İsrailə pilotsuz təyyarə və raket zərbəsi endirib.
