Braziliyada daşqın: 8 nəfər ölüb, 21 nəfər itkin düşüb
Braziliyada sel fəlakəti baş verib. Rio Qrande-du-Sul ştatında güclü yağışların səbəb olduğu daşqın nəticəsində 8 nəfər ölüb, 21 nəfər itkin düşüb.
Ştatın 100-dən çox şəhəri güclü yağışlardan zərər çəkib. Səlahiyyətlilər daşqın nəticəsində 8 nəfərin öldüyünü, 21 nəfərin itkin düşdüyünü açıqlayıb və 1400-dən çox insanın təxliyə edildiyini bildirib. Bir çox avtomobili sel suları aparıb.
Yaxın günlərdə güclü yağışların davam edəcəyi ehtimalı ilə əlaqədar demək olar ki, bütün ştatda daşqın riski xəbərdarlığı edilib.
