İran: Haniyə sui-qəsdinə lazım bildiyimiz vaxt və şəkildə cavab verəcəyik
İranın Birləşmiş Millətlər Təşkilatındakı (BMT) daimi nümayəndəsi Əmir Səid İrəvani Tehranda HƏMAS Siyasi Bürosunun rəhbəri İsmayıl Haniyənin qətlə yetirilməsinə lazım bildiyimiz vaxt və şəkildə cavab verəcəyik deyib.
BMT Təhlükəsizlik Şurası (BMT TŞ) İranın tələbi və Rusiya, Çin və Əlcəzairin dəstəyi ilə fövqəladə iclas keçirib.
“Haniyə sionist işğalçı İsrail rejiminin terror fəaliyyətləri nəticəsində öldürülüb” deyən İrəvani bu hücumun İsrailin bölgədəki terror və təxribat fəaliyyətlərinin davamı olduğunu bildirib.
İrəvani bildirib ki, İsrailin də siyasi gündəmi var və regionda sülh və sabitliyi prioritet hesab edən yeni hökumətin ilk gününə kölgə salmaq istəyir.
İranın hücumu ən sərt şəkildə qınadığını ifadə edən İrəvani, "Beynəlxalq hüquqa uyğun olaraq müdafiə haqqımızı qoruyuruq" deyib.
“Biz nə vaxt və lazım olduğunu bildiyimiz şəkildə cavab verəcəyik” deyən İrəvani, İsrailin hücumuna qəti şəkildə cavab verəcəklərini və İranın beynəlxalq hüquqa və BMT Nizamnaməsinin prinsiplərinə sadiqliyini təsdiqləyib.
Mənbə: AA
