Qazaxıstanda ehtiyatları 20 milyon metrik tondan çox olan nadir torpaq metal yatağı aşkarlanıb
Qazaxıstan geoloqları 300 metrə qədər dərinlikdə təxmin edilən ehtiyatları 20 milyon metrik tondan çox olan nadir torpaq metal yatağı aşkar ediblər.
AFN.az "Reuters"ə istinadən xəbər verir ki, bu barədə ölkənin Sənaye və Tikinti Nazirliyindən bildirilib.
Qazaxıstan hazırda ABŞ Geoloji Xidmətinin tərtib etdiyi nadir torpaq metal ehtiyatlarına malik ölkələr siyahısına daxil edilməyib. Lakin yeni tapıntı təsdiqlənərsə, Qazaxıstan ehtiyatlarına görə Çin və Braziliyadan sonra ikinci olacaq.
Nazirlik "Telegram"da yayımladığı bəyanatda Qazaxıstanın paytaxtından 420 km məsafədə yerləşən Jana yatağında neodim, serium, lantan və itriumdan ibarət olduğunu və nadir torpaq metalının orta hesabla ton başına 700 qram olduğunu bildirib.
Açıqlamada yatağın nə vaxt hansı şirkətlər tərəfindən işlədiləcəyi göstərilmir.
