Yeni Zelandiyada nadir xəyal köpəkbalığının yeni növü aşkar edilib
Alimlər Yeni Zelandiya sahillərində nadir xəyal köpəkbalığının yeni növü aşkar ediblər.
Yeni Zelandiya mətbuatında çıxan xəbərlərə görə, Yeni Zelandiyanın Milli Atmosfer və Su İnstitutundan (NIWA) elm adamları ölkənin cənub adasının təxminən 1000 kilometr şərqindəki Çaszam Rays bölgəsində yeni bir balıq növü tapıblar.
Tədqiqatçılar "Harriotta avia" adlanan və nadir xəyal köpəkbalığı növünə aid olan bu yeni balığın digər növlərdən fiziki və genetik cəhətdən fərqli olduğunu aşkar ediblər.
NIWA alimi Brit Finucci yüz milyonlarla ildir mövcud olduğu düşünülən bu yeni tapılan balığın qığırdaqdan, iri gözlərdən və üzgəclərdən ibarət skeletə malik olduğunu və əksər balıqlardan fərqli olaraq pulcuqsuz olduğunu bildirib.
İnsanların okeanın dibində təxminən 2600 metr dərinlikdə yaşayan xəyal köpəkbalığı ilə qarşılaşma ehtimalının az olduğunu ifadə edən Finucci, "Yaşadıqları yer onları öyrənmək və izləməyi çətinləşdirir. Bu o deməkdir ki, onların təhlükə statusu və ya biologiyası haqqında çox şey bilmirik, lakin bu vəziyyət kəşfləri daha da həyəcanlandırır" qeyd edib.
Mənbə: AA
