Vens Ağ Evdə Zelenski ilə mübahisəni amerikalılar üçün faydalı adlandırıb
ABŞ vitse-prezidenti Ceyms Devid Vens fevral ayında Ağ Evin Oval kabinetində Vladimir Zelenski ilə baş verən mübahisəni amerikalılar üçün faydalı sayıb.
AFN.az xəbər verir ki, bu barədə o, avqustun 27-də “USA Today” qəzetinə müsahibəsində bildirib.
Vens qeyd edib ki, bəzən insanlar və ölkələr arasında fikir ayrılıqları olur, amma amerikalıların bunu görməsi faydalıdır. O əlavə edib ki, ABŞ və Ukrayna arasında ortaq maraqlar çoxdur, lakin münaqişələr zamanı ABŞ Ukraynaya milyardlarla dollar yardım edib, amma sülh planı olmadan bu resurslar problemli vəziyyət yaradır.
Vitse-prezident vurğulayıb ki, döyüşlər dayandırılsaydı və münaqişə sülh yolu ilə həll olunsaydı, bu həm Ukrayna, həm ABŞ, həm də digər tərəflər üçün daha faydalı olardı.
