Skott Bessent: İranda indi son mərhələyə daxil oluruq
ABŞ maliyyə naziri Skott Bessent ABŞ və İsrailin İrana qarşı hücumları ilə başlayan müharibədə son mərhələyə daxil olduqlarını bildirərək məqsədlərinin Tehran təcrid olunana qədər hər cür iqtisadi damarını kəsmək olduğunu deyib.
AFN.az xəbər verir ki, Bessent X platformasındakı hesabından İranla bağlı açıqlama verib.
ABŞ Prezidenti Donald Trampın İranın hərbi potensialını, hərbi zavodlarının demək olar ki, hamısını və nüvə proqramını məhv etdiyini müdafiə edən Bessent “İndi son mərhələyə daxil oluruq. Sübh çağı bir düşmənə qarşı indiyədək həyata keçirilmiş ən böyük maliyyə hücumu olan iqtisadi hücum günü başlayır” ifadələrini işlədib.
Bessent xərac toplamağı təhlükəsizlik zəmanəti kimi təqdim edərək mövcudluğunu davam etdirdiyini iddia etdiyi İranın qisas almağı qaçılmaz, ABŞ sanksiyalarını isə müzakirə edilə bilən hesab etdiyini irəli sürüb.
Tramp administrasiyası ilə bu dövrün sona çatdığını bildirən Bessent “Tehrana qarşı çıxmaq təhlükəsindən qorxanlar Vaşinqtonun səbrini sınamağın bədəlini nəzərdən qaçırmamalıdır” deyə qiymətləndirib.
Bessent Trampın bir çox insanın heç düşünmədiyi hər cür səlahiyyət və tədbirdən istifadə edəcəyi bir mühit yaratdığını bildirərək, “Məqsədimiz Tehran təcrid olunana qədər bu amansız rejimi ayaqda saxlayan hər cür iqtisadi damarı kəsməkdir” deyib.
