Tədqiqatçılar pişiklərin 276 fərqli üz ifadəsi olduğunu kəşf ediblər
ABŞ alimləri müəyyən ediblər ki, pişiklər bir-biri ilə əlaqə qurarkən 276 fərqli mimikadan istifadə edir.
Alimlər 2021-ci ilin avqustundan 2022-ci ilin iyununa qədər ABŞ-ın Kaliforniya Universitetində 53 "British Shorthair" yetkin pişiyi araşdırıblar.
Tədqiqatçılar pişiklər üçün hazırlanmış "Üz Hərəkətinin Kodlaşdırma Sistemi"ni istifadə edərək, üz əzələlərindəki hərəkətlərin sayı və növlərinə baxaraq, pişiklərin bir-biri ilə qarşılıqlı əlaqəsi zamanı yaranan "üz siqnallarını" tədqiq ediblər.
Tədqiqatçılar pişiklər arasında 186 qarşılıqlı əlaqəni qeydə alıb və ümumilikdə 688 üz siqnalını kodlaşdırıblar ki, onlardan 413-ü erkək pişiklər, 275-i isə dişi pişiklər tərəfindən istehsal edilib.
Bu siqnalları araşdıran tədqiqatçılar pişiklərin bir-biri ilə əlaqə qurarkən 276 fərqli üz ifadəsindən istifadə etdiyini aşkar ediblər.
Tədqiqatçılar qeyd etdikləri hər ifadəyə məna aid edə bilməsələr də, kodlaşdırılmış ifadələrin 45,7 faizinin dostluq, 37 faizinin isə aqressiv olduğunu müəyyən ediblər.
Elm adamları qulaqları və bığları olan pişiklərin irəliyə doğru hərəkət etdiyini və gözləri bağlanan pişiklərin mehriban, göz bəbəyi daralmış və qulaqları başlarına əyilmiş pişiklərin aqressiv olduğunu ayırd edə biliblər.
Nəfəs alma və əsnəmə kimi bioloji proseslərlə əlaqəli əzələ hərəkətlərinin tədqiqata daxil edilmədiyi bildirilib.
Araşdırmanın həmmüəllifi Brittany Florkiewicz CNN-ə müsahibəsində "Bizim tədqiqat göstərir ki, pişiklər arasında ünsiyyət əvvəllər güman ediləndən daha mürəkkəbdir" - deyə bildirib.
Florkiewicz, əhliləşdirmənin pişiklərin üz siqnallarının inkişafına əhəmiyyətli təsir göstərdiyini qeyd edib.
Tədqiqatçı vurğulayıb ki, pişiklər insanlarla yaşadıqları üçün sosial cəhətdən daha dözümlüdürlər, ona görə də üz ifadələri daha çoxdur, lakin onlar 267 mimika aşkar etdikdə təəccübləniblər.
