Fillər vəziyyətdən, cinsindən və qrupdakı yerindən asılı olaraq salamlaşma və vidalaşma tərzini dəyişir - ARAŞDIRMA
Fillər üzərində yeni araşdırma aparılıb. Yeni araşdırma təəccüblü bir faktı üzə çıxarıb. Buna uyğun olaraq bir-biri ilə mürəkkəb salamlaşma və vida mərasimləri olan fillər vəziyyətə, qarşı tərəfin cinsinə və qrupdakı yerlərinə görə səs və jestlərini dəyişirlər.
Nature Communications Biology jurnalında dərc edilən araşdırmada fillərin salamlaşma və vidalaşma zamanı istifadə etdiyi jest və səsləri mənalı şəkildə birləşdirə bilmə qabiliyyəti araşdırılıb.
Zimbabvedəki Cafuta Mühafizə Bölgəsində 2021-ci ilin noyabr-dekabr aylarını əhatə edən araşdırmada 89 Afrika filinin 1282 qarşılaşmasından 1014-nün fiziki siqnallarla, qalanlarının isə səslər vasitəsilə edildiyi qeyd edilib.
Fillərin qarşı tərəfə baxdıqları halda qulaqlarını açmaq, gövdəsini qucaqlamaq, gövdəsini yelləmək kimi fiziki üsullarla salamlaşdıqları, fərqinə varılmadığı hallarda isə xortumu ilə digərinə yumşaq bir şəkildə toxunduqları və ya qulaqlarını çırparaq səslər çıxardığı müəyyən edilib.
Bildirilib ki, dişi fillər və bala fillər bir-birləri ilə salamlaşarkən həyəcandan nərə çəkirlər, bədənlərini toqquşdururlar və ya qulaqlarını çırpırlar. Öz aralarında rəqabəti yüksək olan yetkin erkəklər isə xortumlarını birbirinin ağzına yaxınlaşdıraraq qarşıdakı haqqında məlumat əldə etməyə çalışırlar.
Sözügedən araşdırma fillərin salamlaşma və vida mərasimlərində istifadə etdikləri səs və jest birləşmələrini mənalı üstünlüklərlə birləşdirdiyini ortaya qoyub.
Mənbə: AA
