BMT: Sudanda 6 milyondan çox insan aclığın bir addımlığındadır
Birləşmiş Millətlər Təşkilatı (BMT) Sudanda ordu ilə paramiliter Çevik Dəstək Qüvvələri (HDK) arasında davam edən qarşıdurma səbəbindən 6 milyondan çox insanı aclıqdan yalnız "bir addımın ayırdığı" barədə xəbərdarlıq edib.
BMT baş katibinin sözçüsü Fərhan Haq gündəlik mətbuat konfransında jurnalistlərin suallarını cavablandırıb.
Haq BMT-nin Humanitar İşlərin Koordinasiya Ofisinin xəbərdarlığını paylaşıb Xəbərdarlıqda bildirilir ki, 15 apreldən bəri Sudanda ordu ilə QHT arasında davam edən qarşıdurmalar səbəbindən ölkədə aclıq və köçkünlüklə bağlı vəziyyət nəzarətdən çıxıb.
"Sudanda əhalinin təxminən 13 faizini təşkil edən 6 milyondan çox insan indi aclığın bir addımlığındadır. Münaqişə, iqtisadi tənəzzül və kütləvi köçkünlük səbəbindən ölkə daxilində 20 milyondan çox insan yüksək səviyyədə kəskin ərzaq təhlükəsizliyi ilə üzləşir" - deyə bildirilir.
Farhan Haq, Beynəlxalq Miqrasiya Təşkilatının (BMqT) məlumatına istinadən Sudandakı zorakılıqlar səbəbindən cəmi bir həftə ərzində 334 mindən çox insanın didərgin düşdüyü barədə məlumat paylaşıb.
Haq qeyd edib ki, ölkədəki zorakılıqlar səbəbindən 855 mindən çox sudanlı qonşu ölkələrə qaçıb.
