Ermənistanda bir gündə rekord sayda insan koronavirusdan ölüb
Ermənistanda daha 1 600 nəfərdə koronavirus aşkarlanıb.
“Report” xəbər verir ki, məlumatı ölkənin Səhiyyə Nazirliyinin Xəstəliklərə Nəzarət və Profilaktikası üzrə Milli Mərkəzi yayıb.
Bununla da Ermənistanda virusa yoluxanların sayı 80 410-a yüksəlib.
Qeyd olunub ki, ölkədə pandemiyadan ölənlərin sayı rekord sayda - 26 nəfər artaraq 1 222-yə çatıb. İndiyədək 51 814 nəfər infeksiyadan sağalıb.
Hazırda Ermənistanda 26 452 aktiv koronavirus xəstəsi var.
