Sankt-Peterburq limanında 100 milyon rubl dəyərində kokain partiyası aşkarlanıb
Gömrükçülər Sankt-Peterburq limanında ümumi dəyəri təxminən 100 milyon rubl olan 8 kq kokainin qaçaqmalçılıq yolu ilə keçirilməsi cəhdinin qarşısını alıblar.
Şimal-Qərb Gömrük İdarəsinin mətbuat xidmətindən jurnalistlərə bildirilib ki, narkotik anbarı Latviyadan gələn dəniz gəmisinə baxış zamanı aşkar edilib.
“Baltikyanı və Şimal-Qərb əməliyyat gömrüyünün əməkdaşları Rusiyanın Sankt-Peterburq və Leninqrad vilayəti üzrə Federal Təhlükəsizlik Xidməti ilə əməkdaşlıq edərək 8 kq kokainin qaçaqmalçılığını dayandırıblar. Belə bir partiyanın qara bazarda qiyməti təxminən 100 milyon rubl təşkil edə bilər”, - deyə mətbuat xidməti bildirib.
Hər biri 1 kq olan 8 briket dəniz gəmisinin texniki boşluğunda gizlədilib.
Bu faktla bağlı Baltik Gömrüyü Rusiya Federasiyası Cinayət Məcəlləsinin 229.1-ci maddəsinin 4-cü hissəsinin "b" bəndi (xüsusilə külli miqdarda narkotik qaçaqmalçılığı) ilə cinayət işi açıb.
