Milli Məclisdə Elmar Məmmədyarov sərt tənqid olundu
“Xarici İşlər nazirinin qorxaq fikirlərini tənqid edənlərdən biri mənəm. İllərdir ki, biz bu məsələni Milli Məclisdə müzakirə etmişik”.
Bunu Milli Məclisin deputatı Fəzail Ağamalı deyib.
O bildirib ki, Azərbaycanın Xarici İşlər naziri ilə Ermənistanın xarici işlər nazirini müqayisə etmək mümkün deyil: “Bizim Xarici İşlər naziri fikirlərini yumşaq ifadə edir, halbuki o, fikirlərini sərt şəkildə ifadə etməlidir. O daha radikal çıxışları ilə Ermənistan xarici işlər nazirini yerində oturtmalıdır. Dağlıq Qarabağ problemi hər birimizin bir nömrəli problemidir”.//report.az
