2023-cü ildə Rusiyada 70 min internet resursu bloklanıb
2023-cü ildə Rusiya Federasiyası Silahlı Qüvvələrinin və Rusiya hakimiyyət orqanlarının hərəkətlərini gözdən salan saxta olan 70 minə yaxın internet resursu bloklanıb.
Bu barədə TASS-a Rusiya Baş Prokurorluğunun mətbuat xidməti məlumat verib.
"Prokurorlar böyük xarici internet platformaları, xəbər agentlikləri və digər KİV-lərin iştirak etdiyi görünməmiş anti-Rusiya informasiya kampaniyası kontekstində qanunsuz məlumatların yayılmasının qarşısını alırlar", - deyə nəzarət agentliyindən bildirilib.
"Dost olmayan dövlətlərin və onların təbliğatçılarının əsas məqsədi Rusiya Federasiyası Silahlı Qüvvələrinin xüsusi hərbi əməliyyatını və ölkə hakimiyyətinin vətəndaşların maraqlarını qorumaq, beynəlxalq sülh və təhlükəsizliyi qorumaq üçün hərəkətlərini gözdən salmaqdır" - deyə Baş Prokurorluqdan qeyd edilib. Bu total hibrid müharibəyə qarşı mübarizə zamanı Baş Prokurorluq 2023-cü ildə saxtakarlığın qarşısını almaq üçün "Roskomnadzor"a 555 tələb göndərib. Nəticədə 69 mindən çox internet resursu silinib və ya bloklanıb.
2022-ci ildə bu rəqəmlər daha yüksək olub - bir il əvvəl prokurorlar "Roskomnadzor"a belə saxtakarlıqların qarşısını almaq üçün 853 sorğu göndərib və 128 min internet resursu silinib: "Beləliklə, yayılan dezinformasiyanın həcmində azalma müşahidə olunur".
