Əflatun Amaşov Türkiyənin Zəfər bayramından yazdı
Əflatun Amaşov Türkiyəyə xarakterli həmin paylaşımını diqqətinizə çatdırır: "Qardaş Türkiyə tarixi zəfərinin 94-cü ildönümünü qeyd edir. Hesab edirəm ki, bu zəfər həm də biz Azərbaycan türklərinin zəfəridir. Təkcə ona görə yox ki, Türkiyə və Azərbaycan dost və qardaş ölkələrdir. O səbəbdən ki, Türkiyənin qazandığı zəfər biz də daxil olmaqla, bütövlükdə Türk dünyası üçün dönüş nöqtəsi idi. Birinci Dünya Müharibəsindən sonrakı prosesləri incələyərkən bunu tam qətiyyətlə söyləmək mümkündür. Həmin vaxt böyük Mustafa Kamal Atatürkün qətiyyəti olmasaydı, kim bilir yaşadığımız coğrafiyadakı Türk varlığı indi özünü hansı tərzdə göstərəcəkdi, yaxud ümumiyyətlə göstərə biləcəkdimi?
Əziz dostlar, hər birinizi böyük Türk dünyasının ZƏFƏR bayramı münasibəti ilə təbrik edirəm. Zəfərləriniz, zəfərlərimiz bol olsun, inşallah!!!"
(Musavat.com)
