Britaniya Kraliçasının dəfn mərasimi başlayıb
Böyük Britaniya Kraliçası II Elizabetin dəfn mərasimi başlayıb.
“Report” xəbər verir ki, mərasim Vestminster abbatlığında keçirilir.
Vidada Azərbaycanı Milli Məclisin sədri Sahibə Qafarova təmsil edir.
Kraliçanın tabutu abbatlığın əsas mehrabına qoyulub.
Onu son mənzilə Kanterberi arxiyepiskopu Castin Uelbi iki min qonağın - kral ailəsinin üzvləri və dünyanın müxtəlif ölkələrindən olan siyasətçilərin iştirakı ilə yola salacaq.
Xor XVIII əsrə aid dövlət dəfnlərindəki ənənə olan İncildən sətirlər oxuyur.
[media=https://www.youtube.com/watch?v=mFvihbK3DpM&feature=emb_imp_woyt]
