Tayvan adanın yaxınlığında 10 Çin hərbi təyyarəsini görüb
Tayvan silahlı qüvvələri bir gündə Xalq Azadlıq Ordusunun 10 təyyarəsi və 6 gəmisinin adaya yaxınlaşdığını qeydə alıb.
Bu barədə adanın hərbi idarəsinin saytında yerləşdirilən məlumatda deyilir.
Qeyd edilir ki, son 24 saat ərzində iki təyyarə - Su-30 qırıcısı və Y-8 sualtı qayıq əleyhinə döyüş təyyarəsi Tayvan boğazının median xətti adlanan ərazini keçib.
Bundan başqa, Tayvan ərazisində 5-8 min metr hündürlükdə 5 balon qeydə alınıb. Onlardan biri adanın cənub hissəsi üzərində hava məkanını qərbdən şərqə keçərək Sakit Okeana doğru uzaqlaşıb.
