HƏMAS-ın yeni lideri İranın hücumundan əvvəl İsraillə razılaşmada maraqlıdır
HƏMAS hərəkatının Siyasi Bürosunun yeni rəhbəri Yəhya Sinvar İranla vəziyyət gərginləşməmişdən əvvəl İsraillə atəşkəs və girovların azad edilməsi ilə bağlı razılığa gəlməkdə maraqlı olduğunu bildirib.
Bu barədə İsrail mediası HƏMAS-dakı mənbələrə istinadən məlumat yayıb.
Sinvar Qəzza zolağından kənarda yerləşən hərəkat rəhbərliyinin nümayəndələrinə uzun mesaj göndərib. O, tərəfdarlarını İrandan mümkün hücumdan əvvəl İsraillə atəşkəslə bağlı razılığa gəlməyə çağırıb.
Hərəkatın yeni liderinin Tehranla münasibətləri yaxşı deyil və üstəlik, HƏMAS-ın hərbi rəhbərliyi tərəfindən də ciddi təzyiqlərlə üzləşir. Onların sözlərinə görə, Sinvar mesajında Qətər rəhbərliyinin üzvlərini də İsraillə danışıqlar prosesinə qarışmamağa çağırıb.
Bir gün əvvəl “The Wall Street Journal” adı açıqlanmayan ərəb vasitəçilərə istinadən yazıb ki, Sinvarın HƏMAS lideri seçilməsi İsraillə sülh danışıqlarını çətinləşdirə bilər. Bildirilir ki, o, yəhudi dövlətini güzəştə getməyə məcbur etmək üçün “sərt xətt” və “maksimalist mövqe” tutacaq.
