Polşa ölkənin cənub-şərq hissəsində aviasiyanı gücləndirib
Polşa Ukraynaya raket hücumları fonunda ölkənin cənub-şərqində hava qüvvələrini artırıb.
AFN.az yerli mediaya istinadən xəbər verir ki, bu barədə Polşa əməliyyat komandanlığı X sosial şəbəkəsindəki hesabında məlumat yayıb.
“Nəzərinizə çatdıraq ki, ölkənin cənub-şərq hissəsində Polşa və müttəfiq aviasiyasının hava məkanımızda uçuşlarına başlaması ilə əlaqədar səs-küy səviyyəsi yüksələ bilər”, - komandanlığın məlumatında deyilir.
Əlavə olaraq qeyd edilir ki, bu tədbirlər Ukraynanın qərb bölgəsinə raket hücumları fonunda həyata keçirilib.
