Təl-Əviv İranın raket hücumuna nə vaxt cavab verəcək?
İsrail mətbuatı İsrailin Tehranın raket hücumuna yaxın günlərdə cavab verəcəyini və İranın neft emalı zavodlarını hədəf almağı planlaşdırdığını iddia edib.
İsrailin "Walla" xəbər saytı Tel-Əvivin yaxın günlərdə İranın raket hücumuna qarşı əhəmiyyətli cavab verməyə hazırlaşdığını iddia edib.
Adı açıqlanmayan İsrail mənbələrinə əsaslanan xəbərdə Tel-Əvivin İrana qarşı qisasının yaxın günlərdə baş verəcəyi iddia edilib.
Xəbərdə İsrailin raket hücumuna cavab olaraq Tehrandakı neft emalı zavodlarını və İranın hava hücumundan müdafiə sistemlərinin də vurula biləcəyi iddiası yer alıb.
Xəbərdə İranda yüksək səviyyəli şəxslərin də öldürülməsi ehtimalının olduğu bildirilib.
Qeyd olunub ki, İsrail rəsmiləri İranın raket hücumuna görə cavabın apreldəkindən daha ağır olacağını bildiriblər.
Dünən Qərbi Qüdsdəki sığınacaqda keçirilən İsrail Nazirlər Kabinetinin iclasında İranın raket hücumuna cavab verilməsinə qərar verildiyi, lakin bu cavabın hansı formada olacağı ilə bağlı qərar verilmədiyi bildirilib.
Qeyd olunub ki, Təl-Əviv İrana cavab məsələsində ABŞ administrasiyası ilə məsləhətləşəcək.
Mənbə: AA
