ABŞ-da qalmaqallı təcridxana qeyri-qanuni immiqrantlar üçün yenidən açılıb
ABŞ-ın Texas ştatında prezident Donald Trampın ilk dövründə fəaliyyət göstərən və keçmiş prezident Co Bayden dövründə fəaliyyəti dayandırılan mübahisəli təcridxananın qeyri-qanuni mühacirlərin saxlanması üçün yenidən açıldığı bildirilir.
Müəssisədə ailələrə xidmət göstərən RAICES qeyri-kommersiya təşkilatının xarici əlaqələr şöbəsinin rəhbəri Faysal Əl-Cuburi verdiyi açıqlamada mübahisəli müəssisədə saxlanılan miqrant ailələrin Meksika ilə Kanada sərhədi yaxınlığında saxlanıldığını bildirib.
Cuburi qeyri-qanuni miqrantların saxlanması üçün müəssisənin yenidən açıldığını qeyd edib.
Cənubi Texas Ailə Köçürülmə Mərkəzi qeyri-qanuni mühacir ailə üzvlərinin bir-birindən ayrıldığı və pis rəftar edildiyi iddialarına görə Trampın ilk prezidentliyi dövründə vətəndaş hüquqları müdafiəçilərinin hədəfi olub.
Mərkəzin fəaliyyəti Bayden dövründə dayandırılıb.
Şəxsi saxlama mərkəzlərini idarə edən "CoreCivic Inc" martın 6-da elan edib ki, 2400 nəfərə qədər yer tuta bilən mübahisəli "Cənubi Texas Ailə Yaşayış Mərkəzi" İmmiqrasiya və Gömrük Mühafizəsi (ICE) ilə razılaşma əsasında deportasiya ilə üzləşən immiqrant ailələri yerləşdirmək üçün istifadə olunacaq.
Amerika Vətəndaş Azadlıqları Birliyinin Milli Həbsxana Layihəsi üzrə yüksək səviyyəli vəkili Yunis Ço "Ailələrə və uşaqlara laqeydliyi və sui-istifadəsi ilə tanınan bu müəssisədə ICE-nin fəaliyyətini davam etdirmək planları bu ölkənin immiqrantlara münasibətində yeni qaranlıq səhifənin başlanğıcıdır" deyib.
