ABŞ-da 538 qeyri-qanuni mühacir saxlanılıb
Amerika Birləşmiş Ştatları terrorizmdə şübhəli bilinən biri də daxil olmaqla 538 qeyri-qanuni immiqrantı saxlayıb və yüzlərlə miqrantı deportasiya edib.
AFN.az xarici mediaya istinadən xəbər verir ki, bunu Ağ Evin mətbuat katibi Carolyn Levitt özünün X səhifəsində bildirib.
“Tramp administrasiyası qeyri-qanuni immiqrantlar arasında cinayətkarları, o cümlədən terror şübhəlisini saxlayıb. Qeyri-qanuni immiqrantlar arasında yüzlərlə cinayətkar deportasiya edilib. Tarixdə ən böyük kütləvi deportasiya əməliyyatı davam edir", - Levitt bildirib.
Məlumata görə, saxlanılanlar arasında Venesuelanın əsas cinayət təşkilatı "Trena de Araqua"nın dörd üzvü və yetkinlik yaşına çatmayanlara qarşı cinsi cinayətlərdə ittiham olunan bir neçə qeyri-qanuni immiqrant da var.
Lakin hesabatda miqrantların konkret olaraq hara deportasiya edildiyi göstərilmir.
