"Tottenhem" “Çelsi”ni məğlub edərək “Stemford Bric”də 8 illik qələbə həsrətinə son qoyub
İngiltərə Premyer Liqasının 8-ci turunda "Tottenhem" səfərdə “Çelsi”ni 2:0 hesabı ilə məğlub edib.
AFN.az xəbər verir ki, London təmsilçisi 8 ildən sonra ilk dəfə “Stemford Bric” stadionunda qələbə qazanıb.
İngiltərə Premyer Liqasının 8-ci turu çərçivəsində keçirilən London derbisində “Çelsi” və "Tottenhem" komandaları üz-üzə gəlib.
“Stemford Bric” stadionunda baş tutan qarşılaşmada "Tottenhem" səfərdə rəqibini 2:0 hesabı ilə yenərək 8 ildən sonra ilk dəfə onun meydanında qalib gəlməyi bacarıb.
"Tottenhem"ə üç xal qazandıran qollardan birini 77-ci dəqiqədə Mayk Penders öz qapısına vurub, digərini isə 87-ci dəqiqədə Matis Tel qeydə alıb.
“Çelsi”nin futbolçusu Koul Palmer 80-ci dəqiqədə ikinci sarı vərəqəni alaraq meydandan qovulub və komandasını azlıqda qoyub.
Bu mövsüm doğma meydanda ilk məğlubiyyətini alan “Çelsi” 13 xalla turnir cədvəlinin 4-cü pilləsində qalıb.
Ardıcıl ikinci qələbəsini qazanan "Tottenhem" isə xallarının sayını 9-a çatdıraraq 12-ci sıraya yüksəlib.
