"Qalatasaray" "Tottenhem"i məğlub etdi
"Qalatasaray" UEFA Avropa Liqasının 4-cü həftəsində qonaq olduğu İngiltərənin "Tottenhem" komandasını 3:2 hesabı ilə məğlub edib.
UEFA Avropa Liqasının 4-cü həftəsində "Qalatasaray" İngiltərənin "Tottenhem" komandasını qəbul edib.
"Rams Park"da keçirilən qarşılaşmaya "sarı-qırmızılar" effektli başlayıb və qolu vuran tərəf olub.
Matçın 6-cı dəqiqəsində Yunus Akgün cərimə meydançasının kənarından vurduğu zərbə ilə möhtəşəm qola imza ataraq komandasını önə keçirib.
“Tottenhem”in bu qola cavabı gecikməyib. 18-ci dəqiqədə Brennan Consonun qola çevirdiyi topu “Tottenhem”in gənc oyunçusu Uill Lankşir tora göndərib və matçda tarazlığı bərpa edib.
Matçın 30-cu dəqiqəsində Osimhenin vurduğu qol oyundankənar vəziyyət səbəbindən keçərli olmayıb.
Qarşılaşmanın 32-ci dəqiqəsində sarı-qırmızılılar yenidən hesabda önə keçib. Mauro İkardinin Draquşinə təzyiqindən sonra Dris Mertens topu tutaraq gözləmədən Osimhenə ötürmə verib. Viktor Osimhen dəqiq zərbə ilə komandanı növbəti dəfə önə çıxaran qolu vurub.
39-cu dəqiqədə Osimhen Dris Mertensin sağ cinahdan ötürməsində yüksək dərəcəli zərbə vuraraq özünün ikinci, komandasının isə üçüncü qoluna imza atıb və hesabı 3-1 edib.
"Aslan" matçın ilk yarısını 3-1 öndə tamamlayıb.
"Tottenhem"in gənc futbolçusu Uill Lankşir matçın 60-cı dəqiqəsində Qabriel Sara ilə qarşılaşdıqdan sonra ikinci sarıdan qırmızı vərəqə alaraq oyunu tərk edib.
İngiltərə yığması matçın 69-cu dəqiqəsində fərqi 1-ə endirib. Oyuna sonradan daxil olan Dominik Solanke Pedro Porronun ötürməsindən sonra dabanı ilə hesabı 3-2 edib.
76-cı dəqiqədə Mauro İkardi topu qapıya göndərsə də, hakim oyundankənar vəziyyətə işarə edib.
Qarşılaşmanın qalan hissəsində hesab üstünlüyünü qoruyub saxlaya bilən "Qalatasaray" meydandan 3-2 hesablı qələbə ilə ayrılaraq kritik qələbə qazanıb.
Ardıcıl ikinci qələbəsini qazanan "Qalatasaray" xallarını 10-a yüksəldib, ilk xalını itirən "Tottenhem" isə 9 xalda qalıb.
Avropa Liqasının 5-ci həftəsində “Qalatasaray” səfərdə “AZ Alkmaar”la, “Tottenhem” isə doğma meydanda “Roma”nı qəbul edəcək.
Mənbə: Haber Global
