Microsoft-un süni intellekt sistemi tibbi diaqnozda həkimləri üstələyib
ABŞ-nin Microsoft texnologiya şirkətinin apardığı araşdırmada şirkətin süni intellekt əsaslı diaqnostika sisteminin əvvəlki tibbi hadisələr üzrə həkimlərin nəticələri ilə müqayisədə 2,3 dəfə daha yüksək diaqnoz dəqiqliyinə nail olduğu müəyyən edilib.
AFN.az xəbər verir ki, araşdırmanın nəticələri şirkətin hazırladığı MAI-DxO adlı süni intellekt əsaslı tibbi diaqnostika sisteminin imkanlarını ortaya qoyub.
Microsoft-un açıqlamasına görə, MAI-DxO sisteminin fəaliyyəti həkimlərin əvvəlki tibbi hadisələrlə bağlı nəticələri ilə müqayisə edilib.
Araşdırma çərçivəsində The New England Journal of Medicine jurnalında dərc olunan 304 mürəkkəb tibbi hadisə süni intellekt agentləri tərəfindən təhlil edilib.
Nəticələrə görə, MAI-DxO hadisələri qiymətləndirərkən kitablar və internet kimi açıq mənbələrdən istifadə edən həkimlərlə müqayisədə təxminən 2,3 dəfə daha çox düzgün diaqnoz qoyub.
Digər tərəfdən, sistem xarici mənbələrə müraciət etmədən diaqnoz qoymağa çalışan həkimlərlə müqayisədə təxminən 3,7 dəfə daha uğurlu nəticə göstərib.
Araşdırmanın təfərrüatları Science jurnalında dərc olunub. Bununla belə, tədqiqat simulyasiya mühitində qiymətləndirilən əvvəlki tibbi hadisələrə əsaslanıb və müqayisədə real həkimlər iştirak etməyib.
