İran: Təxminən 2 milyon insanı deportasiya edəcəyik
![](/uploads/posts/2024-09/iran-1477871_1.jpg)
İran Polis Təşkilatının baş komandanı briqada generalı Əhməd Rza Radan 2025-ci ilin mart ayına qədər ölkədəki təxminən 2 milyon qeyri-qanuni immiqrantı deportasiya etməyi planlaşdırdıqlarını açıqlayıb.
Bu barədə briqada generalı dövlət televiziyasına bağlı Gənc Jurnalistlər Klubuna (YJC) açıqlama verib.
Ölkədəki qeyri-qanuni mühacir probleminə qarşı Daxili İşlər Nazirliyi və digər əlaqədar qurumlarla birlikdə tədbirlər görməyə çalışdıqlarını ifadə edən Radan, ölkədəki qeyri-qanuni olan xeyli sayda icazəsiz xarici vətəndaşı 2025-ci ilin martına qədər deportasiya edəcəklərini deyib.
Radan qeyri-qanuni mühacirlərin sayının müəyyən edildiyini və bunun Daxili İşlər Nazirliyi tərəfindən açıqlanması lazım olduğunu bildirib.
Mənbə: AA