Qazaxıstanda Nazirlər Kabineti yenilənib
Qazaxıstanda baş nazir Əlihan İsmayılovun rəhbərlik etdiyi hökumətdə dəyişiklik edilib.
Qazaxıstan prezidenti Kasım Cömert Tokayevin fərmanı ilə ölkədəki bəzi nazirliklərə yeni rəhbərlər təyin edilib, eyni zamanda 5 yeni nazirlik yaradılıb.
Yercan Saparbekov Daxili İşlər Nazirliyinə, Aydarbek Saparov Kənd Təsərrüfatı Nazirliyinə, Svetlana Jakupova Əmək və Əhalinin Sosial Müdafiəsi Nazirliyinə, Arman Şakəliyev Ticarət və İnteqrasiya Nazirliyinə, Yerlan Nisanbayev Ekologiya və Təbii Sərvətlər Nazirliyinə təyin edilib.
Marat Karabayev yeni yaradılan Nəqliyyat Nazirliyinə, Aida Balayeva Mədəniyyət və İnformasiya Nazirliyinə, Kanat Şarlapayev Sənaye və Tikinti Nazirliyinə, Nurcan Nurcigitov Su və Su Təsərrüfatı Nazirliyinə, Yermek Marjikpayev Turizm və İdman Nazirliyinə təyin edilib.
Bundan əlavə, prezident Tokayev paytaxt Astana və Almatıdan sonra ölkənin ən böyük şəhərləri olan Şımkent və Aktobeyə yeni qubernatorlar təyin edib.
