Qazaxıstanda hökumətin yeni üzvləri açıqlanıb
Qazaxıstanda Oljas Bektenovun rəhbərlik etdiyi yeni hökumətin üzvləri bəlli olub.
Qazaxıstan prezidentinin bəyanatına görə, prezident Kasım Jomert Tokayev nazirlərin təyinatı ilə bağlı bir sıra fərmanlar imzalayıb.
Bu gün təyin olunan yeni baş nazir Oljas Bektenovun rəhbərlik etdiyi 21 nazirlikdən ibarət Qazaxıstan hökumətində köhnə kabinetdəki əksər nazirlər öz yerlərini qoruyub, yalnız 4 nazirliyə yeni adlar təyin edilib. Bunlar milli iqtisadiyyat naziri Nurlan Baybazarov, maliyyə naziri Madi Takiyev, səhiyyə naziri Akmaral Alnazarova, fövqəladə hallar naziri Cengiz Arinov olub.
Digər tərəfdən Bektenov yeni təyin olunan 4 adı digər kabinet üzvlərinə təqdim edib.
Qazaxıstanda Əlihan İsmayılovun rəhbərlik etdiyi hökumət fevralın 5-də istefa verib.
Konstitusiyaya uyğun olaraq parlamentdə ən çox yerə sahib olan Əmanət Partiyası Bektenovun namizədliyini irəli sürüb.
Prezident Tokayev bu gün parlamentə gedərək Bektenovun baş nazir postuna namizədliyini təqdim edib və bu təklif parlament tərəfindən təsdiqlənib.
Belə ki, sonuncu dəfə Prezident Administrasiyasının rəhbəri vəzifəsində çalışmış 44 yaşlı Bektenov ölkənin yeni baş naziri təyin edilib.
