"Neftçi" - "Qarabağ" matçına biletlərin qiyməti açıqlandı
Azərbaycan Premyer Liqasının III turu çərçivəsində keçiriləcək "Neftçi” – "Qarabağ” oyununun biletləri bu gün saat 14:00-dan sonra satışa çıxarılacaq.
Qiyməti 3A sektoruna 5 manat, digər sektorlara isə 1 manat təşkil edən biletləri "Bakcell Arena”nın kassalarından əldə etmək mümkündür.
Kassalar bu gün və sabah saat 18:00-dək, oyun günü isə 20:30-dək işləyəcək.
Sentyabrın 12-də "Bakcell Arena” oynanılacaq "Neftçi" - "Qarabağ" matçı saat 20:30-da başlayacaq.
