Rusiya ilə Qərb arasında gərginlik daha da artacaq- ŞƏRH
AFN.az xəbər verir ki, təyyarənin Ukraynanın separatçıların nəzarətində olan Pervomaysk şəhəri (Donetsk vilayəti) yaxınlığındakı tarladan Rusiya Silahlı Qüvvələrinə məxsus “Buk” zenit-raket kompleksi ilə vurulduğu və qurğunun cinayətdən dərhal sonra Rusiyaya aparıldığı sübuta yetirilib.
Politoloq Şahin Cəfərli bildirir ki, bu faktın ciddi siyasi-hüquqi nəticələri ola bilər: "Böyük ehtimalla Rusiya ordusunun bir çox əsgərləri və yüksək rütbəli zabitləri, eləcə də ukraynalı bəzi separatçılar insanlığa qarşı cinayətdə suçlanacaq və Hollandiya onların təhvil verilməsi üçün Rusiyaya müraciət edəcək. Kremlin mövqeyindən belə görünür ki, onlar bu hadisədə öz rollarını inkar edərək bu tip tələbləri qulaqardına vuracaqlar. Bu isə hərbi caniləri himayə etmək mənasına gələcək və Rusiya ilə Qərb arasında gərginliyi daha da artıracaq. Nəticədə Rusiyaya qarşı əlavə sanksiyaların tətbiqi və digər sərt addımlar gündəmə gələ bilər".
Qeyd edək ki, hadisə nəticəsində 298 nəfər ölmüşdü.
FƏRİD
