Avropanın bir hissəsi su altında qalacaq
Bu yüzilliyin sonunda 5 milyon avropalı öz evini itirə bilər.
Bu barədə informasiyanı Avropa Komissiyasının Birləşmiş Tədqiqatçılar Mərkəzinin ekspertləri yayıb. Ekspertlərin fikrincə, qlobal istiləşmə Şimal və Baltik dənizlərinin səviyyəsini kritik həddə qədər qaldıracaq. Nəticədə Avropa sahillərinin bir hissəsi su altında qalacaq.
Son illər ərzində Avropada bir neçə böyük daşqın olub. Bunlardan ən təhlükəlisi 2013-cü ildə baş verib. Nəticədə Latviya, Makedoniya və Çexiyanın bir hissəsi su altında qalıb. Daşqınlardan Almaniya və Norveç də əziyyət çəkib.
