Məhkəmə Trampın Kolorado seçkilərində iştirakını qadağan edib
Kolorado Ali Məhkəməsi ABŞ-ın keçmiş prezidenti Donald Trampın 2024-cü il prezidentliyə namizədliyi üçün yerli seçkilərdə iştirakını qadağan edib.
Bu barədə CNN məlumat yayıb.
Məhkəmə bu qərarı verərkən ABŞ Konstitusiyasına edilən 14-cü düzəlişin 3-cü bölməsinə istinad edib ki, bu da qiyamda iştirak edənlərin ən yüksək dövlət vəzifəsini tutmasını qadağan edir.
Məhkəmənin qərarı 2024-cü il yanvarın 4-dək qüvvəyə minəcək və Trampa ABŞ Ali Məhkəməsinə müraciət etmək imkanı verəcək. Eyni zamanda, Respublikaçılar Partiyasının praymerizlərinə namizədlərin siyahılarının tərtibi üçün son müddət yanvarın 5-də başa çatır.
Trampın seçki qərargahı məhkəmənin hökmünü səhv adlandırıb və dərhal ondan apellyasiya şikayəti verəcəyini bildirib.
