Trampın rəqibi DeSantis yarışdan çəkilib
Noyabrda ABŞ-da keçiriləcək prezident seçkiləri üçün partiyadaxili praymerizlər davam edir.
Keçmiş prezident Donald Tramp faktiki olaraq rəqibsiz olaraq qalır.
Tramp Ayova ştatında keçirilən ilkin seçkilərdə qalib gəldikdən sonra təəccüblü bir dəyişiklik baş verib. Trampdan sonra ikinci olan Florida qubernatoru, Respublikaçılar Partiyasından prezidentliyə namizədlərdən biri yarışdan geri çəkilib. DeSantis prezidentliyə namizədliyini geri götürdüyünü elan edib.
DeSantis partiyanın prezidentliyə namizədliyi üçün Trampı dəstəklədiyini açıqlayıb. Tramp bu bəyanatla Respublikaçılar Partiyasının praymerizlərini demək olar ki, rəqibsiz aparır.
İndi bütün diqqətlər digər namizədlər arasında ən yüksək dəstəyə malik olan Birləşmiş Millətlər Təşkilatının keçmiş səfiri Nikki Heylidədir.
Ayova ştatında keçirilən ilkin seçkilərdə Tramp 51 faiz, DeSantis 21 faiz və Heyli 19 faiz dəstək alıb.
