"Baku Medical Klinika" şəhid və qazi övladları üçün aksiya keçirib - VİDEO
Qarabağ Müharibəsi əlilləri, veteranları və şəhid ailələri İctimai Birliyinin Xətai rayon filialı "Baku Medical Plaza" klinikalar şəbəkəsi ilə birgə 44 günlük Vətən müharibəsi qələbəsinin ildönümü münasibətilə sünnət aksiyası təşkil edib.
Klinikadan AFN-ə verilən məlumata görə, aksiya çərçivəsində tibb müəssisəsinin həkimləri Dr. Bəxtiyar Hüseynov, Dr. Aqil Əbilov, Dr. Bəxtiyar Qəhrəmanov və Dr Fəqan Seyidov tərəfindən qazilərin, şəhid ailələrinin oğlan övladları təmənnasız sünnət olunub.
