Belçikada fermerlər etiraz aksiyası keçiriblər
Avropada fermerlərin etirazları gündəmdədir. Belçikada hökumətin kənd təsərrüfatı siyasətinə etiraz edən fermerlər Belçikanın baş naziri De Kroonun evinə gedən yolu bağlayıblar.
Belçikada kənd təsərrüfatı siyasətinə etiraz edən fermerlər şəraitin yaxşılaşdırılması tələbi ilə nümayişlər təşkil edirlər. Bu dəfə belçikalı fermerlər baş nazir Aleksandr De Kroonun Flandriyadakı iqamətgahına gedən yolu traktorlarla bağlayıblar.
Etirazdan sonra Belçikanın baş naziri nümayişçilərlə görüşüb.
O, fermerləri kənd təsərrüfatındakı problemlərə dair bu həftə Brüsseldə keçirilməsi planlaşdırılan görüşə dəvət edib.
Görüşdən sonra etiraz aksiyası insidentsiz başa çatıb.
