Ermənistanın xarici borcu açıqlandı
Maliyyə nazirinin müavini Ermənistanın xarici borcunun 4 milyard 317 milyon dollar təşkil etdiyini vurğulayıb. Dövlət borcunun 761 milyon dolları isə daxili borcdur. Onun sözlərinə görə, dövlət borcunun 4 milyard 601 milyon dolları hökumətin payına düşür.
Transparency.az-ın məlumatına görə, parlament komissiyalarının birgə iclasında 2015-ci ilin büdcəsi üzrə hesabat təqdim edən Atom Cancuqazyan deyib ki, ötən il Ermənistanda 3 faiz iqtisadi artım qeydə alınıb, kənd təsərrüfatında 2,1 faiz, sənayedə 1 faiz, xidmət sektorunda 0,8 faiz artım olub.
Maliyyə nazirinin müavini deyib ki, ötən il Ermənistanın dövlət büdcəsinin gəlirlərinin 91,4 faizi vergilər və dövlət rüsumları hesabına təmin olunub.(musavat.com)
