Moskva hava limanlarında 20-dən çox reys təxirə salınıb
Bu gün Moskva hava limanlarında 20-dən çox reys təxirə salınıb.
Bu haqda yerli mediada məlumat verilib.
Vnukovo hava limanında səkkiz reysin gecikdiyi, Domodedovoda 10 reysin gecikdiyi və iki reysin təxirə salındığı bildirilir.
Bundan əlavə, Şeremetyevoda üç reys gecikib. Paytaxt hava limanlarında təyyarələrin uçuş vaxtlarının kütləvi şəkildə dəyişdirilməsinin səbəbi açıqlanmır.
Dekabrın 8-də Moskvanın üç hava limanında ən azı 21 reys təxirə salınıb və gecikib. Belə ki, Domodedovoda dörd təyyarənin uçuşunun gecikdiyi, üçünün isə ləğv edildiyi məlum olub. Vnukovoya altı reys köçürülüb. Bu arada Şeremetyevoda səkkiz reys gecikib.
