Nazirliyin Bakıda qəfil ölən əməkdaşı təzə ailə qurubmuş
Nəqliyyat, Rabitə və Yüksək Texnologiyalar Nazirliyi Şəhriyar Nikipurun vəfatı ilə bağlı açıqlama verib.
Nazirlikdən "Report"a bildirilib ki, qurumun Beynəlxalq əməkdaşlıq şöbəsinin əməkdaşı Şəhriyar Quşanq oğlu Nikipur 41 yaşında ürəktutmasından dünyasını dəyişib: "Mərhum uzunmüddətli səmərəli fəaliyyəti ilə nazirliyin nümunəvi əməkdaşlarından olub. O, bir sıra beynəlxalq tədbirlərdə çalışdığı qurumu uğurla təmsil edib.
Onun qəfil və vaxtsız ölümünə kədərlənir, Nəqliyyat, Rabitə və Yüksək Texnologiyalar Nazirliyinin rəhbərliyi və kollektivi adından mərhumun ailəsinə və yaxınlarına dərin hüznlə başsağlığı veririk. Allah rəhmət eləsin!"
Sayt onu da qeyd edir ki, Ş.Nikipur bu ilin may ayında iş yoldaşı ilə ailə həyatı qurmuşdu.
***
Azərbaycan Respublikası Nəqliyyat, Rabitə və Yüksək Texnologiyalar Nazirliyinin əməkdaşı qəfil vəfat edib.
Lent.az xəbər verir ki, nazirliyin Beynəlxalq əlaqələr şöbəsinin əməkdaşı Şəhriyar Nikipur dünyasını dəyişib. İlkin məlumata görə, o, infarkt nəticəsində həyatını itirib.
Xəbərdə o da qeyd olunur ki, Ş.Nikipur 2013-cü ildən bu nazirlikdə işləyib və bir sıra beynəlxalq tədbirlərdə iştirak edib.
