Rüstəm Orucov Olimpiya Oyunlarının gümüş mükafatçısı oldu- YENİLƏNİB
Beləliklə, gümüş mükafatçı olan Rüstəm Azərbaycana Rio Olimpiadasının ilk medalını qazandırıb.
Azərbaycan 2016-cı il Rio-de-Janeyro Yay Olimpiya Oyunlarında ilk medalını qazanıb.
Bu, 73 kq. çəki dərəcəsində çıxış edən Rüstəm Orucov cüdo yarışlarının final mərhələsinə yüksəlməsi sayəsində mümkün olub,
Rüstəm Orucov yarımfinalda İsraili təmsil edən Sagi Mukiyə 1 yuka xalı ilə qalib gəlib və bu qələbə sayəsində özünə ən azı gümüş medalı təmin edib.
25 yaşlı idmançı mübarizəyə 1/16 final mərhələsindən başlayıb.
O, qazaxıstanlı Didar Xamzanı cərimə xalları hesabına yenib. Növbəti mərhələdə isə rəqib Ceyk Bensted (Avstraliya) olub. Bu dəfə R.Orucov 3 dəqiqə 3 saniyəyə ipponla qələbə qazanıb.
Onun 1/4 finaldakı rəqibi Mikloş Unqvari (Macarıstan) olub. Orucov vazari xalı hesabına qalib gəlib.
Rüstəm Orucov finalda Ono Shohei ilə qarşılaşacaq. (Report)
